Ish-mesfushori i Juventusit, Interit dhe disa skuadrave të tjera të njohura në Europë, Felipe Melo, i cili aktivizohet tashmë me ekipin brazilian të Palmeiras, është bërë protagonist pas sfidës së Kupës së Libertadores kundër Penarolit, zhvilluar dje në Uruguai.
Ndeshja përfundoi 3-2 për Palmeiras, ndërsa pas vërshëllimës finale të gjyqtarit, në fushën e lojës plasi një sherr mes lojtarëve të të dyja skuadrave.
Siç shihet edhe në videon e mëposhtme, shënjestra e futbollistëve të Penarolit ishte Felipe Melo. Mesfushori i Palmeiras godet me grushte një nga kundërshtarët dhe më pas ndiqet nga kundërshtarët e tij. Edhe pse u morr në mbrojtje nga policia, mesfushori brazilian e kishte të vështirë t'iu shmangej grushteve, ndërsa është futur me vështirësi në dhomat e zhveshjes.
Por, nuk përfundon me kaq, sepse një episod i tillë solli edhe reagimin e tifozëve uruguaian të Penarolit që i hapën luftë tifozëve të Palmeiras.
Me pak fjalë një kaos i vërtetë!
https://www.youtube.com/watch?v=_wak-uQh29s
https://www.youtube.com/watch?v=Z1Qiwk8ruCE
Lexo gjithashtu
