Trajneri portugez Jose Mourinho tashmë është rikthyer në qendër të vëmendjes pas nënshkrimit të tij me ekipin e Tottenham. Shumë persona e njohin si trajner me shumë huqe, por vetë portugezi preferon të thërritet "The Special One". Kjo për arritjet që ai ka bërë në botën e futbollit si trajner.
Teksa në mëndje mund të na vinë momente të mira me klube të mëdha, si tripleta me Interin apo Premier League me Chelsea asgjë nuk mund të duket më e pabesueshme sesa fitimi i trofeut të Champions League me ekipin e Portos.
Më 26 maj 2004, në "AufShchalke Arena", u luajt finalja midis Monaco dhe Porto, e vlefshme për trofeun e Champions League për sezonin 2003-2004.
Një sfidë emocionuese e cila u fitua pikërisht nga Porto, ekipi që drejtohej nga Mourinho dhe që për atë vit befasoi mbarë botën e futbollit. Sfida përfundoi me rezultatin 0-3, ndërsa njeriu I ndeshjes u shpall Deco.
Lexo gjithashtu
