Galatasaray po barazon 1-1 me Koynaspor për javën e 7 në Superligën e Turqisë. Golit të vendasve në minutën e parë i është përgjigjur Endri Çekiçi në të 15.
Sulmuesi pogradecar ka barazuar shifrat për Konyaspor, me golin që është në specilaitetin e tij. “Bomba” nga 30 metra e mesfushorit të Kombëtares ka qenë e pamundur për t’u ndalur nga Muslera, me shqiptarin që e kthen në ves trekëndëshin e portave kundërshtare.
Ky është goli i dytë i Çekiçit në pesë ndeshje këtë sezon, teksa edhe më herët ka shënuar në të njëjtën mënyrë. 25 vjeçari luan sezonin e dytë për Konyaspor në elitën e Turqisë, duke qenë ndër lojtarët më të mirë te skuadra e tij.
Kësisoj, me këtë gol Çekiçi i çon “sms” edhe Rejas për dy ndeshjet e radhës të Kombëtares në Nations League.
Lexo gjithashtu
