Max Verstappen (Red Bull) është kampion bote për herë të parë në Formula 1. Gara e Abu Dhabi ka qenë më shumë se emocionuese në fund, me xhiron e fundin që ka vendosur gjithçka. Një incident pesë xhiro nga fundi ka bërë që Verstappen të përfitojë, duke mundur Hamilton në kthesat e fundit edhe pse gjatë garës ishte deri në 19 sekonda pas.
Piloti anglez kërkoi nga skuderia e tij (Mercedes) të hynte në pit stop për të ndërruar gomat, teksa nuk u lejua për mos humbur kohë dhe vendin e parë në xhirot e fundit. Incidenti ka bërë që makina e sigurisë të hynte në pistë, duke afruar makinat njëra pas tjetrës.
Teksa duhej një xhiro nga fundi, belgo-hollandezi ka dhënë gjithçka nga vetja për titullin e parë në karrierë. Një vit fantastik ky për Max që iu del tej pritshmërive. Përpara garës së fundit të këtij sezoni, Hamilton dhe Verstappen ishin me pikë të barabarta.
Lexo gjithashtu
