Vendim surprizë dhe mungesë e madhe për Gjermaninë, Marco Reus refuzon të marrë pjesë në EURO 2020 me kombëtaren gjermane. Përmes një postimi në rrjetet sociale, ylli i Dortmund bën me dije se së bashku me trajnerin Loë ka vendosur që të largohet përfundimisht nga Kombëtarja e Gjermanisë e të mos jetë pjesë e skuadrës në Europian.
“Pas një sezoni të komplikuar, rraskapitës dhe, falë Zotit, plot suksese, vendosa së bashku me trajnerin e ekipit kombëtar të mos shkoj në Kampionatin Europian.
Një vendim shumë i vështirë sepse unë jam gjithmonë krenar kur më jepet mundësia të luaj për vendin tim. Pas një viti shumë intensiv për mua dhe për arritjen e objektivave të mia me Dortmund, kam vendosur t’i jap trupit tim kohë për t’u rikuperuar! Do ta përdor pushimet për të qenë në gjendje të filloj sezonin e ri në një mënyrë optimale! I uroj sukese trajnerit Loë dhe Kombëtares gjermane në këtë kompeticion e do të bëj tifo për ju…”, shkruan Reus në postimin e tij.
Loading ...
