Duket se gjithcka po i kthehet normalitetit. UEFA po zhvillon kongresin e vet të përvishëm në beograd dhe në hyrje të sallës ku do të mbahen punimet e kongresit, valevitet edhe flamuri i Kosovës, si një shtet anëtar i UEFA.
Autoritetet e futbollit në Serbi e kanë pranuar pa mëdyshje një fakt të tillë, ndërkohë që presidenti i Federatës së kosovës tregon me krenari flamurin.
Agim Ademi, ka ecur përpara flamujve dhe ka ndalur tek flamuri i Kosovës, duke e pasqyruar këtë edhe me një video që ka marrë shpërndarje të shpejtë në të gjitha rrjetet sociale.
Kongresi i UEFA do të miratojë sot tetë emerime të reja në Komitetin Ekzekutiv, pesë përfaqësues për FIFA si dhe çështje të tjera me rendësi për futbollin evropian.
Kujtojmë se Komiteti ekzekutiv i UEFA ka vendosur që kampionati europian për 21 vjecarët në 2027 do të mbahet në dy shtete, Shqipëri dhe Serbi, çka në fakt ka shkaktuar jo pak polarizim mes tifozëve. Por duket se gjërat janë duke ndryshuar.
Serbia është e para që po tregon se nuk e ka problem të valëvisë flamurin e Kosovës në qendrën ku po mbahet kongresi.
Lexo gjithashtu
