Fjoart Jonuzi është zyrtarisht pjesë e Dinamos. Mesfushori vendosi që të mbyllte aventurën e tij me Tiranën, por duke qëndruar në Superiore për të nisur një cikël të ri me dinamovitët.
Si fillim, Jonuzi ishte shumë pranë transferimit te Ballkani, ku trajner është Orges Shehi. Por kryesuesit e Superiores së bashku me Ilir Dajën i ndryshuan mendjen mesfushorit 28 vjeçar.
Kujtojmë që Jonuzi ka një karrierë të pasur në futbollin shqiptar. Ai është aktivizuar me ekipe elitare si Kukësi, Laçi dhe Vllaznia, para se të kalonte te bardheblutë e Tiranës.
Njoftimi i klubit të Dinamos:
Fjoart Jonuzi është zyrtarisht lojtar i FC Dinamo City.
Mesfushori që deri në gjysmën e parë të sezonit ishte pjesë e KF Tiranës, ka firmosur ditën e sotme dhe ka dalë menjëherë në stërvitje me ekipin, nën urdhërat e trajnerit Daja.
Më herët, 28-vjeçari ka qenë pjesë e klubeve të Kukësit, Laçit dhe Vllaznisë në superiore.
Mirësevjen Fjoart!
Lexo gjithashtu
