Vllaznia do të luajë pasditen e kësaj të shtune përballë Laçit, sfidën e vlefshme për javën e 18-të të Superiores. Ndeshja që do të zhvillohet në stadiumin “Loro Boriçi”, nis në orën 16:00.
Tashmë trajneri i shkodranëve, Thomas Brdaric ka “thurur” planin anti-Laç. Nuk priten shumë ndryshime në 11-shen titullare, por ajo ç’ka bie në sy është “rindërtimi” i mbrojtjes.
Brdaric do t’i besojë nga minuta e parë qendërmbrojtësit të talentuar Flori Spahija. Me pak minutat e marrë në këtë sezon, 21-vjeçari ka treguar vlera të çmuara, duke u shndërruar në një lojtar kyç për ekipin shkodran.
Loja e nivelit të lartë dhe kualiteti që shpalos në fushën e lojës, kanë bërë që Spahija të bindë Brdaric për fanellën e titullarit. Një lajm i mirë ky për 21-vjeçarin që do të ketë më shumë mundësi, por edhe sfidë kundër një ekipi cinik si Laçi.
Lexo gjithashtu
