Vllaznia pas fitores bindëse në Lushnje për llogari të Klasikes së futbollit shqiptar, tani mendjen e ka në takimin e radhës. Sfida e radhës në Superiore është në shtëpi përballë tifozerisë shkodrane në “Loro Boriçi”.
Vllaznia ndeshet me Skënderbeun këtë fundjavë pas takimeve të mesjavës. Korçarët vijnë pas humbjes me Partizanin, kundërshtar ndaj të cilit shkodranët arritën t’i merrnin 1 pikë në ndeshjen e fundit në shtëpi. Klubi ka nxjerrë njoftim zyrtar ku publikon çmimet e biletave dhe i bënë thirrje komunitetit sportdashës që është i shumtë në qytetin verior të mbështesë skuadrën në këtë takim jo të lehtë.
Bileta më e lirë përkon te 200 Lekë, një shifër modeste për impiantin modern dhe deri diku e përballueshme nga shumica e tifozëve. Tribunat e tjera shiten me 400 lekë, 1000 dhe më e shtrenjta 1500 L, tribuna VIP. Tribunat e hapura për të shijuar këtë ballafaqim janë ajo C, D, VIP, A dhe B.
Ndeshja zhvillohet të dielën në orën 17:00 të pasdites nën dritën e projektorëve. Dita dhe orari janë perfekt e ndaj ekipi klasik shprehet se është koha për spektakël në mesazhin përçuar fansave të Vllaznisë.
Lexo gjithashtu
