Jasir Asani u vendos ditën e sotme në qendër të kritikave, pasi trajneri i Gwangju FC Lee Jung-Hyo tha se është mbi peshë. Kjo është dhe arsyeja, sipas koreanit, që Asani nuk aktivizohej.
Më pas Asani reagoi përmes rrjeteve sociale duke postuar foto të tijën nga palestra. Së fundmi lojtari i Kombëtares shqiptare vjen me një mesazh për Partizanin, sërish nga palestra.
“Përshëndetje ekipit më të mirë në Shqipëri, Partizani. I uroj suksese çunave që kanë bërë punë shumë të mirë. Nuk duhet të ndalen akoma. Kanë mbetur disa ndeshje për të dalë kampion të Shqipërisë. Do të jenë ndeshje të vështira, por me ndihmën e tifozëve, stafit, presidentit, trajnerëve, duhet të jenë bashkë për të arritur objektivat dhe për të dalë kampion. Është ndër klubet më të mëdhaja dhe besoj janë gati për të dhënë maksimumin dhe për të arritur objektivat e klubit. Forca Partizani”, shprehet Asani.
Lexo gjithashtu
