Tirana është skuadra e vetme në Superiore që nuk e njeh as fitoren as humbjen në këtë fillim sezoni. Bardheblutë në 5 ndeshjet e Superiores të zhvilluara deri më tani kanë arritur të marrin 5 barazime.
As rikthimi në “Air Albania” duke se nuk i bën punë bardheblutëve, të cilët ndaj Elbasanit nuk mundën të merrnin më shumë se 1 pikë. Tashmë sfida e radhës për Tiranën do të jetë ndaj Partizanit në derbin e kryeqytetit, takim që do të luhet ditën e shtunë në orën 20:00.
Një përballje ku sigurisht Bledi Shkëmbi dhe “djemtë” e tij do të tentojnë fitoren, e cila nëse vjen ndaj të kuqve vlen më shumë se 3 pikët, vlen për krenarinë e një qyteti.
Tirana në derbin ndaj Partizanit vjen si skuadra e vetme e pamposhtur e Superiores në 5 javët e para. Por nga krahu tjetër gjithashtu është edhe skuadra e vetme që ende nuk e njeh shijen e fitores në këtë fillim sezoni.
Lexo gjithashtu
