Ndeshja mes Erzenit dhe Tiranës e vlefshme për javën e 32-të të “Abissnet Superiore” është mbyllur me triumfin e bardhebluve. Sfida e zhvilluar në stadiumin “Elbasan Arena”, përfundoi me rezultatin 0-2 në favor të Tiranës. Pas kësaj sfide për mikrofonat e MCN TV ka folur autori i supergolit, Fjoart Jonuzi.
“Të them të drejtën stërvitem për goditjen, por e kam dhunti, talent që më ka dhënë Zoti. Në fillim të sezonit kam luajtur numër 6, por me ndryshimin e këtij roli, mundësia për të goditur portën është më e madhe. Goli im ishte më i rëndësishëm se ai i Abazajt dhe pritja e penalltisë nga Kozi. Te goli i dytë u çliruam dhe kontrolluam ndeshjen”, tha fillimisht Jonuzi.
“U bë ndeshja e 3-të pa humbje dhe që nuk pësojmë gol. Po ta shohësh te pjesa e golave që kemi pësuar, nuk është pak. Por me këto 3 ndeshje kemi fituar besim. Atmosfera për momentin është rregulluar dhe gurpi po bëhet më mirë. Kam besim te ndeshjet e mbetura”, u shpreh mesfushori i Tiranës.
I ka kapacitet Tirana për titullin kampion?
“Po të kapim Final Four e kemi shumë besimin për të fituar titullin kampion. Nëse do të futemi në katërshe, vetë klubi, lojtarët dhe Tirana do të jetë problem për ekipet e tjera”.
Devolli tha do nxjerrim luanin ndaj Tiranës?
“Ai ka të drejtë pasi ia lejon rezultati, por duhet t’ia lëmë fushës jo fjalëve”.
Partizani – Dinamo?
“Si fitoi Dinamo apo Partizani për ne është në rregull. Nuk më intereson si del ajo ndeshje, të 3 rezultatet janë në rregull për ne”.
Lexo gjithashtu
