Teuta dhe Dinamo luajnë në stadiumin "Niko Dovana", ndeshjen e vlefshme për javën e 36-të të Superiores. Takimi merr jetë në orën 16:00, ndësa kujtojmë se të dy klubet janë me pikë të barabarta.
Si Dinamo dhe Teuta garojnë për një vend në "Final 4". Gjithsesi asgjë nuk është në dorën e tyre, pasi më të avantazhuar janë Tirana dhe Skënderbeu. Këto të fundit mbajnë aktualisht vendin e katërt me 1 pikë më shumë.
Tirana luan kundër Egnatias dhe Skënderbeu përballet me Vllazninë. Kështu fati i Dinamos dhe Teutës varet nga dy skuadra që e kanë siguruar "Final 4".
Dinamo e preku vendin e katërt, megjithatë ishin 4 ndeshjet e fundit që i fundosën. Vetëm 1 pikë e fituar, ndaj Laçit, është mjaft pak.
Ndryshe mund të thuhet për Teutën, që ka bërë mjaft mirë. Është pjesa e parë e sezonit ajo që i penalizon, pasi ndodheshin në zonën e ftohtë për javë me radhë.
Lexo gjithashtu
