Superiorja do të rikthehet të luajë ndeshjet e radhës në kampionat. Ekipet do të zbresin në fushë në fundjavë për të bërë mes tyre llogaritë e javës së 12-të të kampionatit.
Takime këto që do të zhvillohen të ndara në 2 ditë. Kështu të shtunën janë programuar të luhen 3 ndeshje.
Në orën 16:00 do të startojë përballja Egnatia – Bylis, sfidë kjo që do të luhet në “Egnatia Arena”. Paralelisht me këtë takim do të luhet edhe ndeshja Vora – Teuta në “Niko Dovana. Ndërkohë në orën 19:00 do të përplasin “brirët” mes tyre Dinamo – Elbasani.
Të dielën do të luhen 2 duelet e mbetura të kësaj jave. Do të luhet paralelisht në Vlorë dhe Tiranë. Në Vlorë do të sfidohen mes tyre Flamurtari – Tirana, një duel mbijetese, ku ekipet do të synojnë t’i largohen fundit.
Ndërsa në “Arenën e Demave” do të bëjnë llogaritë e fitores Partizani dhe Vllaznia. Shkodranët kërkojnë 3 pikët për të mbajtur kreun, ndërsa “Demat” për të lënë “zonën e ftohtë”.
Lexo gjithashtu
