Elbasani do ta debutojë në Superiore në transfertë, teksa do të përballet me Skënderbeun. Sfidë kjo që do të luhet në Korçë ditën e hënë, takim që starton në orën 20:00.
Për këtë takim që është shumë i rëndësishëm për elbasanasit, të cilët synojnë fitoren për ta nisur me këmbën e mbarë aventurën e tyre në Superiore, mbështetja e tifozëve nuk do të mungojë.
Tifogrupi i Elbasanit, “Tigrat Verdheblu” do të udhëtojnë drejt Korçës për të mbështetur ekipin e tyre. Nëpërmjet një postimi në rrjetet sociale kanë zbuluar edhe axhendën e organizimit të tyre për këtë transfertë.
“NISIM SEZONIN NË KORÇË!
Shkojmë të mbështesim djemtë verdheblu në transfertën e parë të sezonit. Nisemi masivisht nga sheshi i stadiumit "Elbasan Arena" në orën 16:30! Transporti në këtë transfertë është falas.
Skënderbeu - Elbasani | 19 Gusht | 20:00
Vishu ZI e merr shallin VERDHEBLU!
Për Sportin, për Qytetin, për ELBASANIN!”, thuhet në postim.
View this post on Instagram
Lexo gjithashtu
