Ndeshja Bylis – Dinamo, e cila ishte e vlefshme për javën e 13-të në Superiore ende po shkakton diskutime në lidhje me minutën e 50.
Sulmuesi i dinamovitëve Lorenco Vila godet topin drejt portës në pozicion të prirët, ndërsa mbrojtësi i Bylisit Fabjan Përdreca në limitete e vijës fatale bëhet “mur” që sfera mos të shkojë në portë, teksa shkakton diskutime. Arbitri i këtij takimi Silvio Dyrmishi nuk akordoi asgjë dhe lejoi vazhdimin e lojës.
Ish-arbitri Lorenco Jemini i pranishëm në emisionin “Procesi Sportiv” ka analizuar këtë rast, madje duke dalë kundër vendimit kryesorit:
“Për mua është penallti, ka rënë në dorë topi. Ky rast nuk është dhënë 11-metërsh. Është penallti dhe karton i kuq, por nuk u dha. Duhej të jepej, sepse Përndreca e preku topi më dorë në vijën fatale”.
Lexo gjithashtu
