Vora arriti të mposhtë Tiranën me shifrat 3-1 në javën e dytë të Superiores. Në përfundimin e takimit, trajneri i Vorës Arjan Bellai doli në prononcim për mediat.
“Nuk shikojmë shifrat. Përgëzoj çunat për atë që bëmë sot, dhamë gjithçka me Partizanin dhe sot. I kam thënë nëse dëshironi të merrni tre pikët në Superiore duhet të jepni maksimumin. Në këto dy ndeshje kemi bërë mirë, por për ne nuk mbaron këtu kampionati. Isha i nevrikosur në pjesën e parë për dy veprime dhe dy pasa.
E dinim se ku do të dilte Tirana dhe prandaj isha i mërzitur dhe fola me tone të ashpra. Tirana riskoi gjithçka në fund ndaj ne u kthyem në 5-4-1, formacion i cili nuk është për ne. Besoj se do kemi edhe një blerje të re, i cili foli sot me presidentin. Me atë mbarojmë dhe merkaton, besoj se marrëveshja ka përfunduar.
Tirana na kishte analizuar dhe i dinte pikat tona të forta, duke mbyllur krahun e djathtë. Sot kishim mirë Karricën që bëri lojën të ndahet nga të dyja krahët. Kemi futbollistë që janë mirë me shpejtësinë, duke shënuar ato gola shumë të bukur, me meritë të Bardhit të dy”, u shpreh Bellai.
Lexo gjithashtu
