Partizani luajti mbrëmjen e djeshme përballë Skënderbeut, ndërsa fitoi 2 me 1 në limitet e takimit. Kjo ishte java e dytë e Superiores, teksa “demat” ranë në sy që ishin sërish pa trajner.
Diçka e tillë nuk mbahet mend të ketë ndodhur në historinë e klubit të kuq. Kjo pasi kampionati jo vetëm u fillua pa trajner zyrtar, por e njëjta situatë vijoi dhe pas 1 jave.
Provizorisht drejtimin e skuadrës e kanë drejtori sportiv Arbër Abilaliaj dhe Renaldo Kalari. Vetë Abilaliaj është shprehur në javën e parë, por dhe pas ndeshjes së djeshme, që trajneri i ri pritet të zyrtarizohet në vijim.
Kështu të kuqtë mesa duket nuk po nxitohen, ndërsa mundësia për të afruar trajner serb është më e përfolura aktualisht. Javë vendimtare kjo, kur supozohet të zgjidhet përfundimisht timonieri i ri për skuadrën.
Lexo gjithashtu
