Partizani mposht Egnatian me rezultatin e pastër 0-2 në Rrogozhinë duke u rikthyer të rruga e 3 pikëve. Ismaili dhe Binstouka në secilën pjesë ishin autorët e golave. Në përfundim të ndeshjes, trajneri Aleksandar Veselinovic foli për RTSH Sport.
“Jam i detyruar të falenderoj lojtarët për luftën që bënë. Përgëzoj edhe kundërshtarin për lojën që bëri. Luajtëm ndaj një ekipi të shkëlqyeshëm. Nëse mendojmë se pas këtyre 3 pikëve jemi mirë, do jetë një problem serioz për ne. Kampionati është maratonë e jo sprint 100 metra. Kampionati është i paparashikueshëm.
Jam shumë i kënaqur me lojtarët në stërvitje dhe impenjimin e tyre. Shpresoj të vazhdojmë me këtë ritëm e t’i marrim ndeshje hap pas hapi. Jam pak i nxhetë tani dhe nuk mund të jap përgjigje të drejtpërdrejtë për çështje teknike apo taktike. E përgatitëm ndeshjen në raport me pikat e forta e të dobta të Egnatias. Kishim probleme para dhe gjatë ndeshjes.
Buxhelaj mungon për arsye dëmtimi, Mehmeti u dëmtua, por luajti në pozicion të ri. Në dhoma para ndeshjes ai kishte të vjellura. Hadroj luajti me temperaturë. Kemi patur probleme edhe me pjesën tjetër të ekipit, por i falenderoj për të gjitha.
Që kur jam unë këtu, është ndeshja që kemi qenë më kompakt si ekip. Cilësia e Egnatias dhe përvoja jonë, kemi vetëm një lojtar me përvojë si Taipi që është 30 vjeç. Nga jashtë shihet që është ekip i ri pa përvojë. Suksesi fitohet nga përvoja dhe futbolli e ka treguar këtë. Kemi një ekip të ri që duhet të mësojë si të fluturojë.
Nuk mund ta krahasojmë me derbin pasi janë dy ekipe të ndryshme. Kemi hapsira për përmirësim në sulm, ndryshe nga fazat e tjera të lojës. Përvoja dhe qetësia është e nevojshme kur dëshira është e tepruar. Të themi të drejtën nuk i kemi. Duhet të përmirësohemi”, tha trajneri serb.
Lexo gjithashtu
