Në një sezon plot vuajtje për Tiranën ku organika është e cunguar nga largimet e janarit, kjo nuk mund të thuhet për repartin e portës. Bardheblutë kanë plot 3 portierë të nivelit të lartë, në moshë të re dhe kualitativ që mund të jenë titullar në klubet e tjera të Superiores.
Gentian Selmani, Leon Kozi dhe Mustafë Abdullahu janë tre portierë cilësor e të talentuar që fatkqesisht nuk kanë sesi t’i japin hapsira njëri-tjetrit. Një ‘luks i tepruar’ për klubet shqiptare, por edhe një mundësi mjaft e mirë për të mbushur arkën.
Drejtuesit kanë vendosur që të nxjerrin në merkato gardianin dardan të cilin e blenë për 50 mijë euro nga Besa verën e fundit. Abdullahu është portieri që të garanton më shumë para nga shitja pasi ka një kontratë 4-vjeçare me kryeqytetasit dhe vlera në treg është plot 300 mijë euro.
Pikëpyetje mbetet e ardhmja e Leon Kozit i cili do të hyjë në vitin e fundit të kontratës në sezonin tjetër dhe klubi pritet të nisë bisedimet për rinovim apo ta shesë që tani për të mbushur arkat. Kujtojmë që për gardianin ka qenë i interesuar Elbasani në janar, por morën përgjigje negative nga bardheblutë.
Lexo gjithashtu
