Trajneri i Flamurtarit Francesco Moreiro ka folur për mediat pas barazimit 1 – 1 ndaj Vorës në fushën e ekipit vlonjatë. Një rezultat që nuk i shkon aspak përshtat kuqezinjëve, të cilët prsnin fitoren, marrë në konsideratë “forcën” e rivalit, por që nuk ndodhi kështu. Pas 13 javësh, Flamurtari vijon të mbetet i parafundit në teblë me 10 pikë:
“Pak i zhgënjyer, por në futboll ndodhin gabimet. Në futbollin total kur gabon, të ndëshkojnë. E kontrolluam mirë ndeshjen. Ata luajnë me kundërsulme. Ritmi ishte i lartë dhe ne u përpoqëm të kontrollonim ndeshjen.
E kemi lexuar mirë sfidën. Vora priste gabimet tona për të na goditur. Në fazën negative nuk e kemi marrë golin, por për fajin tonë. E përsëris, një mbrojtje me eksperiencë duhet ta nxjerrë topin jashtë. Jemi një ekip në rritje. Do ishte e thjeshtë të thoja se ka mungesa, por nuk më pëlqejnë alibitë. E meritonim të fitonim.
Duhte të vazhdojmë kështu. Shpresojmë që të vijnë fitoret. Normalë që tifozët duan që ne të fitojmë. Ne besojmë vetëm në punë. Kishim dy fëmijë në pankinë.
Kampionati është i vështirë, duhet të analizojmë ndeshjet. Sipas meje, me Tiranën bëmë gabime dhe pësuam gol, kështu ndodhi edhe sot. Djemtë dhanë maksimumin në fushë. Na mungojnë shumë lojtarë, por realiteti ky është. Duhet forcë dhe kurajo”.
Lexo gjithashtu
