Trajneri i Partizanit, Veselinovic u shpreh mjaft i lumtur për fitoren në derbin ndaj Dinamos.
Ai pranoi se rivali ishte tepër i fortë, ndërsa identifikoi edhe futbollistin e ri më të mirë në Superligën shqiptare.
“Ndjej detyrë që të uroj lojtarët tanë, stafin dhe tifozët. Kemi luajtur ndaj një rivali mjaft cilësor. Dinamo ka disa muaj pa pësuar humbje. Nuk është aspak e lehtë për tu përgatitur për një kundërshtarë të tillë. Ndërsa sa i përket lojës sonë, nuk është korrekte ta bëj unë, por publiku. Nëse shihni zhvillimet në aspektin individual dhe ekipor janë të dukshme. Jemi ekip shumë i ri dhe në fazën e zhvillimit. Ka shumë për të qënë më kompakt dhe këtë e synojmë në çdo seancë stërvitore. Dinamo është ekip shumë cilësor dhe njihet për lojën e tyre. Detyra jonë është që të luajnë të gjithë dhe të ndihmojnë ekipin në atë që kanë kundërshtarët. Më pëlqejnë lojtarët e rinj dhe jam i kënaqur që stërvis këto. Kote është një diamant i futbollit shqiptar.Dua të shpreh mbështetjen për kombëtaren shqiptare në dy ndeshjet e Ligës së Kombeve. Do ta ndjek nga stadiumi dhe i uroj më të mirat” tha mes të tjerash tekniku i Partizanit.
Lexo gjithashtu
