Sfida mes Teutës dhe Partizanit e vlefshme për javën e 3-të të Superiores është mbyllur me fitoren e “Demave”. Sfida e zhvilluar në “Niko Dovana”, përfundoi 0-2 në favor të miqve. Pas kësaj sfide, ka folur trajneri i Partizanit, Alexandar Veselinovic.
“Ka 4 ditë që punoj me ekipin. I përgëzoj lojtarët për luftën që bënë në fushë, jam shumë i lumtur. Partizani është një klub i madh. Unë jam një trajner që mundohem te implementoj filozofinë e lojës te ekipi, por koha nuk ka qenë e mjaftueshme. Faleminderit tifozëve që na mbështetën gjithë kohës.
Unë kam parë dhe ndeshjen e kaluara të Teutës dhe Partizanit. Ky është një ekip që është i vështirë të luash kundër tyre në këtë fushë. Kanë agresivitetin e tyre. Nëse nuk je i fokusuar mjaftueshëm ato e çojnë ndeshjen aty ku duan ata. Këto janë ndeshje që duke marrë parasysh çdo situatë të radhës e vendos koncentrimi gjatë ndeshjes.
Ju e dini më mirë se unë që e ka thënë dhe shkenca që mund të mbash 30% nga situatat e ndeshjes. Do të ishte joserioze nëse mundohem të analizoj pak më thellë atë ç’ka i përket aspektit të lojës.
Sa i kënaqur me organikën? Jeta ime dhe momenti profesional e ka vendosur që unë momentalisht të jem te Partizani. E vetmja dilemë që kam në kokë është të kisha qenë në fazën përgatitore. Ka dy tipa njerëzisht dhe një është ai që mundohet të gjejë probleme. Ndërsa unë nëpërmjet problemit do mundohem të gjej zgjidhje”, tha trajneri serb.
Lexo gjithashtu
