Derbi numër 174 mes Partizanit dhe Tiranës e vlefshme për javën e 6-të të “Abissnet Superiore” ka përfunduar në barazim. Supersfida e zhvilluar në stadiumin “Air Albania”, është mbyllur me rezultatin 0-0. Pas kësaj sfide ka folur trajneri i Partizanit, Aleksandar Veselinovic.
“I falenderoj tifozët për atmosferën e mrekullueshme. Përgëzoj lojtarët për dëshirën dhe vullnetin gjatë lojës. Nuk jam asnjëherë i kënaqur kur marr barazim. Si çdo derbi ka brenda nervozizëm dhe sidomos në pjesën e parë e kishim të theksuar. Shfrytëzoj rastin ti uroj Kotes derbin e parë dhe për performancën e parë të tijën. Jo vetëm që ka debutuar, por ndryshoi shumë gjëra në lojën tonë.
Kemi patur problem siç ishte zëvendësimi i detyruar i Buxhelajt. Gjithashtu Mehmeti është ankuar disa herë. Dhe kemi qenë të kujdesshëm për këto arsye dhe ja përsë ndërrimet i bëra në atë kohë, për këtë arsye e zgjodha atë. Mund të luajë me dy sulmues, por duhet marrë parasysh cilësia e Tiranës te mesfusha.
Në raport me kundërshtarin duhet t’i kushtojmë rëndësi edhe ekuilibrit. Normalisht që edhe nëse luajmë me dy sulmues këtu hynë edhe cilësia e mesfushorëve tanë. Me hyrjen e Mba fituam shumë brenda në fushë.
Sot jam shumë i kënaqur me aspektin difensiv, por jo me atë ofensiv. Jam i kënaqur me sulmin për situata të caktuara si kanë vepruar Zeka me Hadrojn. Nuk patëm ekuilibër në qendër dhe kjo është një tregues që duhet të përmirësohemi”, tha Veselinovic.
Lexo gjithashtu
