Archange Bintsouka mund të bëhet lojtar i Ferencvaros në merkaton e verës. Burime për Newsport.al pranë Partizanit, konfirmojnë se ka pasur interesim nga gjigantët hungarezë para ndeshjes së djeshme.
Fitorja kundër Skënderbeut në gjysmëfinalen e “Final 4” me rezultatin 1 me 0, pikërisht me golin e Bintsoukas, mund të sjellë më shumë këmbëngulje nga Ferancvaros.
Kujtojmë se këta të fundit e njohin mjaft mirë Partizanin, pasi të kuqtë i eleminuan nga turet kualifikuese të Champions League në vitin 2016. Po ashtu te Ferencvaros ka spikatur më parë Myrto Uzuni, sulmuesi i Kombëtare shqiptare.
21-vjeçari nga Kongo është sulmuesi që ka shënuar më shumë gola për “demat e kuq” këtë sezon. Bintsouka ka një kontratë të vlefshme deri në verën e vitit 2025.
Partizani ka treguar se nuk i lëshon aq lehtë talentet e klubit. Kjo rrugë pritet të ndiqet dhe me kongolezin, që spikati me edicionin e parë futbollistik që iu dha mundësia. /Newsport.al/
Lexo gjithashtu
