Pas një sezoni të cilësuar si ‘dështim’, Tirana ngushëllohet me pjesëmarrjen në Conference League, falë dënimit të Skënderbeut.
Megjithatë, klubi bardheblu ka nisur menjëherë nga revolucioni, i cili pritet të nisë që nga pankina. Erbim Fagu pritet të largohet nga Tirana, me zyrtarizimin që mbetet çështje kohe.
Në krahun tjetër, Refik Halili kërkon që të ulë në pankinë një emër të madh, me presidentin e Tiranës që tashmë e ka ‘piketuar’ një të tillë.
Sipas "OraNews", ish-mbrojtësi i Milanit Massimo Oddo, është një nga të preferuar e presidentit bardheblu. Trajneri italian që aktualisht drejton ekipin e Padovas në Serie C, i skadon kontrata në fund të sezonit, me Oddo-n që nuk do ta refuzonte një ofertë nga skuadra shqiptare.
Megjithatë, problem mund të jetë nëse Padova ia del të promovohet në Serie B, me klubin italian që pritet t’i ofrojë 47-vjeçarit një kontratë të re.
Pritet të shihet nëse ish-mbrojtësi i Italisë do të mbetet vetëm një dëshirë për Refik Halilin, apo presidenti bardheblu do ia dalë që ta ulë Oddo-n në pankinën e Tiranës.
Lexo gjithashtu
