Tefik Osmani foli në prag të ndeshjes mes Vllaznisë dhe Teutës në Niko Dovana. Drejtori sportiv i shkodranëve komentoi momentin e skuadrës, ndërsa preku edhe elementë të veçantë si talentët e skuadrës dhe ofertat për Alivodën.
“Fjalët e mira përmenden, por unë dua vazhdimësi. Kam besim se duhet të kemi vazhdimësi, t’i marrim ndeshjet 1 nga 1 dhe t’i vlerësojmë sikur të jenë të gjitha skuadrat si Egnatia.
Top 4? Të gjithë skuadrat me emër nuk mund t’i heqësh nga 4-shja, por mund të ketë edhe surpriza pasi ka klube që kanë bërë investime.
Balotazhi Delaj – Dodaj? Trajneri e ka patur të vështirë, Delaj bëri shumë mirë ndaj Egnatias dhe e meritonte pa i hequr meritat Dodajt. Ishte një zgjedhje e vështirë dhe trajneri vendos në fund.
Yago? Kemi patur Hakajn më para, nuk arritëm të rinovonim dhe tani besojmë te Yago. Kemi lojtarë të rinj që po u japim besimin, por nuk është e lehtë të vendosim 5-6 të rinj direkt pasi peshën kryesore e mbajnë lojtarët me eksperiencë si Gurishta e Balaj. Portieri Qarri është i ri dhe ky është sezoni i dytë që luan, ashtu si Alivoda. Po bëj atë që bëra te Tirana, miksin mes eksperiencës dhe talentëve.
Alivoda? Ka patur oferta, por presidenti vendos dhe ai i di shifrat.
Leksion në kursin e drejtorit sportiv te FSHF? U ndjeva mirë, e falenderoj Federatën për ftesën. Shkëmbeva eksperiencën, por edhe mëson në këto raste”, tha Osmani.
Lexo gjithashtu
