Ka përfunduar supersfida mes Tiranës dhe Elbasanit e vlefshme për javën e 5-të të “Abissnet Superiore”. Kjo ndeshje e zhvilluar në stadiumin “Air Albania”, ka përfunduar 1-1. Pas kësaj sfide ka folur trajneri i Tiranës, Bledi Shkëmbi.
“Mendoj se një përqindje mund ta ketë edhe eksperienca. Nga barazimet po mundohemi të marrim më të mirën. Sot ishte një ndeshje pozitive që ishim futur për ta fituar. Në pjesën e dytë bëmë maksimumin për të shënuar 1 gol. Më vjen keq për barazimet, por mendoj se mund të merrnim ndonjë pikë më shumë në këto ndeshje. Shpresoj që fitorja të vijë sa më shpejt. Nuk është çudi që fitorja të vijë në derbi, do futemi për ta fituar.
Unë jam i kënaqur me grupin që kam. Ajo që më pëlqen më shumë te skuadra kemi një grup të shëndoshë për nivelin që kemi. Nuk kemi disnivel siç ndodh shpesh në shumë skuadra ku kanë 3-4 yje. Ne kemi një skuadër që punon mirë dhe vrapon mirë”, tha Shkëmbi.
Lexo gjithashtu
