Superiorja ditën e sotme do të luajë disa nga ndeshjet e javës së dytë të saj. 3 takime mjaft interesante janë në program për t’u zhvilluar në 2 orare të ndryshme.
Kështu fillimisht vëmendja ditën e sotme do të jetë në Ballsh, ku Flamurtari do të përballet me Bylisin në “Adush Muça”. Sfidë kjo e parashikuar të startojë në orën 16:00. Vlonjatët do të synojnë fitoren e parë pas rikthimit në elitë, ndërsa edhe ballshiotët kërkojnë të triumfojnë në shtëpi.
Në orën 20:00 do të luhet paralelisht në Rrogozhinë dhe Tiranë. Në “Egnatia Arena” do të sfidohen mes tyre Egnatia dhe Elbasani. Rrogozhinasit do të hyjnë në fushë “all-in” për fitoren e parë, ndërsa verdheblutë do të tentojnë vazhdimësinë.
Nga krahu tjetër në “Arenën e Demave” do të vihen përballë Partizani dhe Teuta. “Demat” do të kërkojnë një tjetër fitore në kampionat. Ndërkohë durrsakët luajnë kështu ndeshjen e parë sezonale dhe do të tentojnë ta nisin me këmbën e mbarë.
E shtunë, 30 gusht
Flamurtari – Bylis, 16:00, Stadiumi Flamurtari
Partizani – Teuta, 20:00, Arena e Demave
Egnatia – AF Elbasani, 20:00, Arena Egnatia
Lexo gjithashtu
