Futbolli shqiptar është tronditur nga lajmi i ndarjes nga jeta të Sefedin Brahos. Ish-futbollisti i Luftëtarit dhe Partizanit është ndarë nga jeta në moshën 72-vjeçare.
Braho në karrierën e tij futbollistike ka kontribuar edhe për Kombëtaren shqiptare, ndërsa ka ngritur lart një titull kampion me Partizanin. Për ndarjen nga jeta të tij ka reaguar klubi i kuq në rrjetet sociale.
“LAMTUMIRË SEFEDIN BRAHO!
Familja e kuqe dhe futbolli shqiptar humbin një legjendë
Me keqardhje të thellë përcjellim sot lajmin e ndarjes nga jeta në moshën 72 vjeçare të Sefedin Brahos. Ish sulmuesi i Luftëtarit dhe kombëtares shqiptare ka qenë pjesë edhe e Partizanit, skuadër me të cilën do të luante për 2 vite 1972 - 1974 duke fituar edhe një titull kampion me të kuqtë.
Me një shpejtësi natyrale, e kombinuar me topin në lëvizje, driblimi, ishin cilësitë që e karakterizonin sulmuesin gjirokastrit, aftësi që i ka mahnitur të gjithë.
Klubi i Futbollit Partizani dhe veçanërisht presidenti Gazment Demi i përcjellin ngushëllimet më të sinqerta familjes dhe të afërmve, për këtë humbje të madhe.
U prehsh në paqe legjenda Sefedin Braho”, thuhet në postimin e klubit kryeqytetas.
View this post on Instagram
Lexo gjithashtu
