Vdekja e futbollistit të Egnatias, Raphael Dwamena, vazhdon të shkaktojë reagime të shumta nëse 28-vjeçari mund të ishte shpëtuar. Sulmuesi ndërroi jetë të shtunën e 11 nëntorit pas atakut kardiak që pësoi në fushën e blertë.
Një reagim ka ardhur këtë mëngjes nga deputeti i Ps, Erion Braçe i cili i drejtohet Ministrisë së Arsimit dhe Sportit dhe ministres Manastirliu se duhet të hartohet një protokoll mjekësor për sportin dhe se asnjë fëmijë nuk duhet të prekë fushën e sportit pa ju nënshtruar kontrolleve sportive.
‘’Na duhet një protokoll mjekësor për sportin, mjafton të shkojmë në Itali e ta marrim. Nuk kemi as specializim në Universitetin e Mjekësisë, zero ekip në mjekësi për sportin’’. – ka thënë Braçe.
Gjithashtu deputeti i Ps tha se nuk beson tek federata sportive, pasi po përpiqen ta lenë fajin vetëm tek viktima dhe nuk marrin asnjë përgjegjësi mbi vdekjen tragjike të futbollistit.
Thirrja e Braçes për Manastirliun vazhdon duke i kërkuar impanimin e rregullave, pasi sipas tij këto dy ditët e fundit kuptuam se nuk Shqipëria nuk ka mjekësi sportive dhe se nëse do zbatoheshin masat e UEFA, Dwamena nuk do kishte vdekur.
Lexo gjithashtu
