Karim Benzema u mendua se do të ishte një nga protagonistët e Kupës së Botës, pasi sulmuesi francez u grumbullua nga Didier Deschamps, ndërsa ishte dhe fituesi i “Topit të Artë”. Kur të gjithë prisnin që sulmuesi të mahniste sërish botës, ndodhi ajo që nuk pritej. Një dëmtim e detyroi lojtarin e Realit t’i thoshte lamtumirë këtij turneu.
Gjatë gjithë periudhës së kampionatit u përfol se Benzema mund të luante në finalen e madhe, por diçka e tillë nuk ndodhi, pasi vetë lojtari nuk pranoi të udhëtonte sërish në Katar.
Me të mbaruar Kupa e Botës, “Topi i Artë” njoftoi largimin nga kombëtarja e “Gjelave” dhe duket se pas këtij largimi kishte diçka tjetër në mes. Mediat raportuan për një përplasje mes sulmuesit dhe Didier Deschamps.
Por pavarësisht këtyre fakteve, duket se tashmë mllefin e Kupës së Botës, sulmeusi vazhdomn ta nxjerrë tek të tjeta gjëra. Sipas “Marca” veprimi i fundit i bërë nga Benzema nuk pritej. Madrilene ka bërë një tjetër veprim në rrjetet e tij sociale, duke mos i ndjekur të gjithë përveç pesë ish-shokëve të tij të skuadrës në skuadrën kombëtare, të cilët janë Eduardo Camavinga, Aurelien Tchouaméni, Kylian Mbappe, Raphael Varane dhe Marcus Thuram.
Camavinga dhe Tchouameni janë bashkëlojtarët e Benzemas në Madrid, ndërsa Varane luante përkrah sulmuesit te Los Blancos. Ai ende ndjek ish-trajnerin e Madridit, Zinedine Zidane, i cili ka qenë i lidhur fort me postin e ekipit kombëtar.
Lexo gjithashtu
