Federata e Futbollit të Kosovës që prej largimit të Alan Giresse është në kërkim të një zëvendësuesi. Shumë emra janë lakuar që mund të marrin “frenat” e “Dardanëve” por asgjë konkrete. Emri i fundit që u duket afër përfaqësueses së Kosovës ishte një trajner boshnjak. Sipas “Sportske.ba” u bë me dije se fjala ishte për Vahid Halilhodzic.
70-vjeçari është një trajner i njohur në Bosnje dhe për këtë një lum ofertash janë në drejtim të tij. Madje përveç Kosovës edhe kombëtarja e Bosnje-Hercegovina ka mbetur pa trajner dhe e shikon Vahid si të duhurin për stolin e tyre. Pavarësisht interesimit konkret të "dardanëve" duket se kjo pistë është e vështirë për tu realizuar.
Ka qenë vetë trajneri që ka theksuar në një intervistë me Arlind Sadikun se diçka e tillë është e pamundur. Sipas tij oferta e Bosnje-Hercegovines është me e mire, teksa theksoi gjithashtu se oferta më të mira financiare ka edhe nga ekipe ta tjera. Në këto kushte "Dardanët" do të duhet të pikasin ndonjë emër tjetër si zëvendësues të Gireses.
Gjithashtu në të kaluarën e tij Halilhodzic ka drejtuar ekipe si Lille, Rennes, Paris Saint-Germain, Dinamo Zagreb dhe Trabzonspor, ndërsa ka kualifikuar në Botëror kombëtaret e Bregut të Fildishtë, Japonisë, Algjerisë dhe Marokut.
Lexo gjithashtu
