Tifogrupi ultras i Partizanit, “Ultras Guerrils”, ka bërë një postim në faqen e tyre në Facebook ku u bëjnë thirrje gjithë tifozëve të Partizanit të marrin pjesë në stadium ditën e martë kur do të luhet takimi i vlefshëm për turin e tretë kualifikues të Champions League ndaj kampionëve të Austrisë, Salzburgut.
Ata shprehen se e vetmja mënyrë për t’ia u shpërblyer futbollistëve lumturinë që u falën me kualifikimin në Hungari është duke i mbështetur në ndeshjet e ardhshme. Për ta Partizani është nder i kombit shqiptar.