
Vllaznia luajti ndaj Partizanit në “Loro Boriçi” ditën e djeshme çerekfinalen e parë të Kupës së Shqipërisë. Kjo sfidë u fitua 3-1 nga shkodranët, të cilër hedhin një hap të sigurtë drejt gjysmëfinales.
Në “Loro Boriçi” nën reshtjet e dendura të shiut, detyra për të mbrojtur katërkëndëshin e portës i kishte rënë për pjesë Kristi Qarrit. Gardiani i ri arriti të bënte mjaft mirë në disa raste të rrezikshme që u paraqitën para portës së tij, duke bërë që të pranonte vetëm 1 gola.
Nëpërmjet një postimi në rrjetet sociale, Vllaznia krenohet me “djalin” e saj, i cili është vetëm 22-vjeç dhe në sfidat e Kupës së Shqipërisë është pronari i portës.
“Kristi Qarri, një siguri gjithnjë e më madhe për portën”, janë fjalët që ka përzgjedhur klubi për shkodranin e portës.