Në Zvicër ccështja se ccfarë drejtimi ka marrë kombëtarja vendase ka përfshirë të gjithë opinionin publik. Dje Xhaka dhe Shaqiri bënë të penduarin për festimin me “shqiponjë” ndaj Serbisë në Kupën e Botës në Rusi. Por një ditë më pas media vendase ka reaguar me ashpërsi ndaj sjelljes së futbollistëve shqiptarë që mbrojnë fanelën helvete. Gazeta më e madhe zvicerane “Blick” ka sulmuar me notat më të pamëshirshme futbollistin e Liverpoolit për ndjenjat e tij nacionaliste dhe talljen me etiketimin që ai i bëri futbollit zviceran si lojë në male.
“Ai derdhi përsëri karburantin e budallallëqeve në zjarr. Po, zoti Shaqiri, ne jemi një vend malor. Por, jo zoti Shaqiri jo të gjithë ata që jetojnë në male janë nacionalistë të vegjël, të pashpresë, të vjetëruar e të verbuar si ju!”, shkruhet në artikullin e sotëm të “Blick”.
Por inati i medias më të madhe në Zvicër nuk ka kursyer as teknikun Vladimir Petkovic dhe Granit Xhakën.Shkak është bërë gradimi i futbollistit të Arsenalit si kapiten i ri i përfaqësueses ,por sipas “Blick” portieri Yann Somer e meriton plotësisht gradimin.
“Trajneri Vladimir Petkovic mbetet sërish kokëfortë. Ai pohon se Granit Xhaka do të udhëheqë kombëtaren si kapiten në mungesë të anësorit Stephan Lichsteiner. Të injorosh Yann Sommer dhe të gradosh Xhakën në krye të hierarkisë, do të thotë se përfaqëson diccka që është e pakuptueshme”, përfundon media zvicerane.
Loading ...
