Futbolli grek është tronditur nga një ngjarje e rëndë, teksa një futbollist 20-vjeçar është gjetur i vdekur në magazinën e druve. Dogukan Karasoman ishte pjesë e skuadrës së Janinës në Greqi, por krejt papritur ai ka vendosur t'i japë fund jetës. Sipas "Onsports.gr", shkak është bërë marrëdhënia e tij sentimentale, teksa ai ishte zhgënjyer nga e dashura e tij.
Megjithatë policia greke po kryen hetime të mëtejshme, për të gjetur ndonjë shkak tjetër se pse i riu i dha fund vetes. Në orën 5 e 30 të mëngjesit të së martës, nëna e të riut e gjeti atë të vdekur në bodrumin e shtëpisë kur shkoi për të parë pse po vonohej për të sjellë drutë. 20-vjeçari u gjet i varur në një litar, ku kishte lënë edhe një letër duke treguar arsyet e flijimit të tij. /Newsport.al/
Lexo gjithashtu
