Ditën e sotme u zhvillua Asambleja e Jashtëzakonshme e Komitet Olimpik (KOKSH), e cila vendosi me 45 pro dhe 9 kundër, shkarkimin e presidentit Viron Bezhani. Një mbledhje emergjente e bërë në kushte pandemia që doli në përfundim për të shkarkuar presidentin aktual. I ftuar në "Ora Sport", presidenti Bezhani ka lëshuar akuza të forta ndaj anëtarëve duke u shprehur se ata e kanë mendjen te lekët.
"Duke patur parasysh situatën, është me të vërtetë normale që ne të zhvillonim mbledhje për ndryshime statutore. Dhe e kishim vendosur, e kishim vënë në program. Kjo është kërkuar dy here nga ana ime dhe nuk është zbatuar për arsye se vetë shteti ka ndërhyrë dhe ka thënë nuk mund të organizosh asamble në këto momente. Dihet, për shkak të pandemisë. Edhe vetë ministri, edhe vetë shkresa zyrtare që na erdhi, tregon se ata nuk lejonin të zhvillohej një asamble e tillë. Në kundërshtim me këtë, shohim një angazhim të jashtëzakonshëm të politikës dhe disa personave në kryesi që donin ta bënin me çdo kusht në mënyrë të fshehtë. Dhe ja arritën qëllimit", u shpreh Bezhani.
Cilët janë? Ju keni patur një konflikt të hershëm me Sekretarin e Përgjithshëm...
"Shoh që shpeshherë kapet si diçka personale. Nuk është problem te konflikti me sekretarin. Me të ne kemi patur probleme sa i përket transparences. Por kjo transparence e kërkuar prej meje ishte e mbrojtur edhe nga disa anëtarë të Komitetit Ekzekutiv, të cilët kanë një konflikt të hapur interesi. Ata janë zgjedhur nga vetë sekretari, i cili në mënyrë të fshehtë në asamble ka shpërndarë edhe letra. Unë e kisha mendjen te një Asamble normale, siç I takon demokracisë, ndërsa këta kanë punuar mbrapa shpine. Këta e kanë mendjen te lekët dhe për ti shërbyer vetes së tyre"
Lexo gjithashtu
