Mustafë Abullahi ishte surpriza e Tiranës në derbin me Partizanin. Portieri i talentuar iu dha mundësia e artë nga veteran Ilion Lika i cili vendosi të ‘hapë krahun’ e t’i lërë shansit të rinjve.
Gardiani i ri shkëlqeu në derbi pavarësisht humbjes, madje pati edhe një mundësi të artë të shënonte golin e barazimit në minutën e fundit, pot ë mos ishte për reflekset e homologut Alban Hoxha. Mirëpo, menjëherë pas derbit, lojtari pësoi një dëmtim në menisk i cili u raportua si i rëndë e do të qëndronte për disa muaj larg fushave.
Më pak se 1 muaj nga ai dëmtim, Abdullahu ka marrë ftesën për t’ju bashkuar përfaqësueses së Kosovës U-21 për ndeshjet kualifikuese të Euro 2025 duke befasuar të gjithë. Një rikthim kaq i shpejtë i tij është një lajm fantastik për Tiranën që rigjen një pikë të fortë për ndeshjet e ardhshme.
Lexo gjithashtu
