Disi në mënyrë surprizuese Erlis Frashëri vendosi të mbylle aventurën e tij me Skënderbeun, për të nisur një të re në Kategorinë e Parë me ekipin e Flamurtarit. Mbrojtësi, që ndërkohë ishte dhe kapiteni i korçarëve u largua nga Skënderbeu vetëm pas 1 viti e gjysmë.
Pas këtij transferimi te Flamurtari, 35-vjeçari ka reaguar për herë të parë. Frashëri falenderon të gjithë te Skënderbeu, madje shton se do të jetë aty për vendlindjen e tij sa herë që ata do të kenë nevojë.
“Të dashur miq dhe dashamirës të futbollit shqiptar. Ju bëj me dije që në mënyrë shumë qytetare kam ndërprerë kontratën me skuadrën e Skënderbeut. Doja të shprehja një mirënjohje për Presidentin Ardian Takaj, i cili më ka mbështetur gjithmonë dhe më ka lënë dyert e hapura në çdo moment. Përcjell falenderime të përzemërta për stafin, lojtarët dhe të gjithë ata që bëjnë tifo për emrin tim. Korça është qyteti ku kam lindur dhe do jem atje kurdo të kenë nevojë. Ju falenderoj!”, shkruan Erlis Frashëri.
Lexo gjithashtu
