Luis Enrique kur shpalli listën e lojtarëve të grumbulluar për Kupën e Botës ran ë sy lënia jashtë e ish-mbrojtësit të Real Madrid, Sergio Ramos. Menjëherë pas eliminimit në fazën e 1/8-tave nga Maroku, tekniku i “Furisë së Kuqe” u largua nga drejtimi i spanjollëve.
Tashmë në dorë frenat e skuadrës i ka marrë Luis De La Fuente, i cili ën prezantimin e tij theksoi se për të është shumë e rëndësishme të rikthej në skuadër shpirtin që e karakterizonte ekipin e vitit 2010 që fitoi Botërorin në Afrikën e Jugut, ndërsa i la “dyert e hapura” edhe për veteranët si Busquets dhe Ramos.
“Dua të rikuperoj shpirtin e skuadrës së vitit 2010. Nuk dua që përreth skuadrës të jenë 48 milionë trajnerë, por 48 milionë lojtarë. Kam bërë futbollistin për 15 vite nga të cilat 13 në divizionin e parë. Prej 10 vitesh jam në Federatën Spanjolle, kam marrë pjesë në Olimpiada dhe Europianë. Nëse ka dikush që e njeh të ardhmen e futbollit tonë, atëherë ai jam unë. Sa i takon lojtarëve që do të grumbullohen, të gjithë i kanë “dyert e hapura.
Nëse Ramos do të jetë në formë atëherë do të grumbullohet, ashtu si edhe të tjerët. Jam i lumtur që Busquets do të vijojë në kombëtare dhe unë mbështetem tek ai. Më pëlqejnë talentet, por edhe veteranët që kanë shumë kontribut në të kaluarën dhe që vijojnë të na japin shumë eksperiencë në fushë dhe jo vetëm”, ka deklaruar De La Fuente.
Lexo gjithashtu
