Manchester City i dha lamtumirën EFL Cup pasi u mbosht mbrëmjen e djeshme nga Southampton me shifrat 2-0. Një humbje zhgënjyese për Pep Guardiolën që jo pa shkak ishte i irrituar dhe u shpreh se e merituan humbjen pasi të tijtë nuk ishin në fushën e lojës.
“Fitoi skuadra më e fortë, ne nuk luajtëm aspak mirë. E nisëm ndeshjen në mënyrën më të shëmtuar, nuk ishte një performancë e denjë. Ndaj Southampton nuk treguam as një grimcë nga ajo që jemi në të vërtetë. Nuk ishim të përgatitur dhe kështu nuk mund të shkonim në gjysmëfinale.
Kur luan për një skuadër si Manchester City, duhet të jesh i përgatitur në çdo ndeshje dhe nëse luajmë kështu përgjatë sezonit, atëherë nuk kemi asnjë shans për sukses. Unë mendoj se problem nuk ishin emrat që e nisën ndeshjen, por problem është performanca në përgjithësi. Nuk ishim në fushë”, u shpreh Guardiola.
Egnatia, Vllaznia, Dinamo dhe Partizani deri më tani në “Final Four”. Mendoni se do të ketë ndryshime deri në fund të Superiores?
-
Po
-
Jo
-
Nuk e di
