Policia e Elbasanit ia ka kaluar tashmë Prokurorisë së Rrethit Gjyqësor Elbasan, të gjitha materialet e nevojshme për të nisur nga procedurat dhe hetimet mbi ngjarjet e djeshme në stadiumin "Elbasan Arena".
Sipas një komunikate për shtyp, Policia e Qarkut të Elbasanit ka bërë me dije se tifozët e Partizanit akuzohen për veprat penale “Shkatërrim Prone”, “Prishja e qetësisë publike” dhe "Kundërshtimi i punonjësit të policisë së rendit publik”, kryer në bashkëpunim parashikuar nga nenet 150, 274, 236 dhe 25 të Kodit Penal.
"Në orën 18:50 gjatë zhvillimit të ndeshjes, të futbollit midis ekipeve të Partizanit dhe Skënderbeut në Stadiumin “Elbasan Arena”, nga veprimet e tyre, janë thyer 120 stola të stadiumit, janë hedhur mjete piroteknike (fishekzjarrë) në fushë, si dhe janë goditur me sende të forta punonjësit e policisë të Repartit [F.N.SH.]F.N.SH. Tiranë.
Nga këto veprime, u dëmtuan dy punonjës policie si dhe janë thyer pajisjet mbrojtëse të shërbimit të tyre
Drejtoria Vendore e Policisë Elbasan, në bashkëpunim me Prokurorinë e Rrethit Gjyqësor Elbasan po vazhdon punën për identifikimin e shtetasve të tjerë.
Materialet i kalojnë Prokurorisë së Rrethit Gjyqësor Elbasan për veprime të mëtejshme për veprat penale “Shkatërrim Prone”, “Prishja e qetësisë publike” dhe"Kundërshtimi i punonjësit të policisë së rendit publik”, kryer në bashkëpunim parashikuar nga nenet 150, 274, 236 dhe 25 të Kodit Penal", lexohet në deklaratën për shtyp të Policisë së Elbasanit.
Lexo gjithashtu
