Sulmuesi i Manchester United Zlatan Ibrahimovic thotë se ai “do të kthehet edhe më I fortë” pasi pati një dëmtim të rëndë në ligamentet e gjurit.
35 vjeçari u dëmtua në minutat e fundit të kohës normale gjatë sfidës për Europa League në ndeshjen kundër Anderlecht.
Ibra është golashënuesi më i mirë i këtij sezoni me 28 gola por është e paqartë se kur do të mundet të rikthehet në fushë, raporton BBC.
“Do të qëndroj jashtë për ca kohë” shkroi ai, por duke shtuar se “dorëzimi nuk është një opsion”.
Duke shkruar në Instagram suedezi shton: “Do ta kaloj edhe këtë si çdo gjë tjetër dhe do të rikthehem më I fortë. Dhe përsa kohë që mund të luajë edhe me një këmbë, nuk duhet të ketë probleme. Një gjë është e sigurt, unë do ta vendos vetë se kur do të lë futbollin dhe asgjë tjetër”, shkruan ai.
Ibrahimovic u bashkua me klubin gjatë një transferte të lirë nga Paris St Germanin verën e kaluar por ende është e hapur kontrata e tij një vjecare me Manchester United.
Lexo gjithashtu
