Te Barcelona nuk po gjejnë qetësi sa u takon dëmtimeve të lojtarëve. Raphinha është lojtari i fundit që i shtohet listës së gjatë të të dëmtuarve.
Sulmuesi brazilian u detyrua të linte fushën e lojës në minutën e 37-të në sfidën që katalanssit fituan 1-0 ndaj Mallorcas. Raphinha u zëvendësua nga Fermin Lopez, teksa për gjendjen e lojtarit ka folur Xavi Hernandez pas ndeshjes.
Trajneri i blaugranave ka zbuluar se lojtari për fatin e mirë nuk ka një dëmtim aq të rëndë sa u mendua në fillim. Kjo ka qetësuar stafin dhe tifozët spanjollë, me 27-vjeçari që pritet të jetë i gatshëm për duelin me Napolin që do të luhet më 13 mars në orën 21:00 dhe është i vlefshëm për Champions League.
“Bëhet fjalë vetëm për një goditje, asgjë tjetër. Ma tha edhe vetë Raphinha se ka marrë vetëm një goditje. Do të jetë gati për Napolin“, ka deklaruar Xavi.
Lexo gjithashtu
