Një rast i rrallë ka ndodhur në Kamëz, para fillimit të ndeshjes së javës së 23-të të Kategorisë Superiore mes Kastriotit dhe Skëndebeut (1-0). Akoma pa filluar takimi, arbitri Juxhin Xhaja i ka treguar kartonin e kuq 2 futbollistëve, Dida i Kastriotit dhe Bajrami i Skënderbeut. Shkak është bërë një situatë e tensionuar, e cila nuk i shkon përshtat aspak një ndeshje normale futbolli.
Siç shihet në video, Bajrami duket tejet i acaruar dhe një shok skuadre e largon nga aty, që situata mos të degradojë. Debati vazhdon me Zguron, i cili kërkon llogari, në një kaos të shkaktuar ku gjenden arbitrat, sigurimi dhe disa anëtarë të klubit rival. Zguro dëgjohet teksa thotë : "çfarë të thashë?", sakaq nuk mungojnë lëvizjet e duarve.
Ky takim me shumë mundësi do hyjë në histori, pasi asnjëherë më parë nuk kishte ndodhur që futbollistët të ndëshkohen, akoma pa vërshëllyer gjyqtari për fillimin e takimit.
Lexo gjithashtu
