Ditën e djeshme klubi i Romës njoftoi se kanë shkarkuar nga detyra e trajnerit, Jose Mourinhon. Ky i fundit mbyll aventurën me kryeqytetasit pas dy vitesh e gjysmë, ku gjatë kësaj periudhe fitoi një Conference League dhe arriti në finalen e Europa League.
Tashmë ekipe të ndryshme nga Europa dhe jo vetëm janë hedhur në “sulm” për të siguruar shërbimet e trajnerit portugez. Pavarësisht se nga Roma u shkarkua, Mourinho akoma shihet si “Special One”, me skuadrat "BIG" duke u munduar të përfitojnë sa më shpejt dhe të sjellin në ekip një trajner të tillë.
Por “bomba” vjen nga Spanja. Sipas mediave vendase, Mourinho mund të marrë drejtimin e Barcelonës. Presidenti i katalanasve, Joan Laporta ka humbur besimin tek Xavi, teksa pëlqen shumë trajnerin portugez.
Padyshim nëse ky i fundit do të merrte drejtimin e Barcelonës, si një ish-madrilen do të krijonte një tronditje të madhe tek tifozët e Reali.
Lexo gjithashtu
