Gazetari brazilian Rafael Henzel ka folur për herë të parë pas aksidentit ajror që rezultoi fatal për 71 persona, mes tyre shumë prej lojtarëve të Çapekoënses.
Henzel është një nga 6 të mbijetuarit e tragjedisë ku humbën jetën 71 persona. Ai ka rrëfyer tmerrin që kaloi në ato pak minuta përpara se fataliteti të ndodhte.
“Pasagjerët nuk u informuan për rrezikun që po vinte. Ata fikën dritat dhe motorët, kjo shkaktoi ankth por askush nuk tha gjë. Ne po fluturonim pa e ditur se çfarë do të ndodhte. Askush nuk na lajmëroi që të vinim rripat e sigurimit dhe kur pyetëm se kur mbërrijmë na thanë: ‘Për 10 minuta’.
Kishte panik, njerëz që bërtisnin dhe qanin gjatë rënies. Pastaj pllakosi qetësia.
Aktualisht gazetari është i shtruar në spitalin “San Vicente Fundacion Rionegro” në Kolumbi dhe po merr mjekimet e duhura për t’u shëruar pas aksidentit të 28 nëntorit.
Loading ...
Leave a Reply
You must be logged in to post a comment.