Luftëtari ka konfirmuar vetëm disa lojtarë nga sezoni i kaluar, ndërsa firmat janë me pikatore. Ka firmosur i riu Alemao Zdrava dhe Shkëlzen Ruçi. Por, lojtarë me peshë ende nuk janë konfirmuar. Megjithatë, klubi bluzi e konsideron veten në kohë për të bërë përforcimet e duhura për të ardhmen.
Burime për "Newsport.al" bëjnë me dije se gjirokastritët po bëjnë kontakte të shumta me presidencën mallakastriote për të siguruar shërbimet e disa lojtarëve që luajtën sezonin e shkuar dhe që janë ende nën kontratë.
Bylisi ka rënë në një kategori më poshtë, ndërsa ka elementë të vlefshëm që mund t'i bëjnë punë Luftëtarit në Superiore. Sa iu përket emrave, konkretisht nuk mësohet se për kë bëhet fjalë. Por, te Luftëtari kanë shprehur dëshirën për të pasur sulmuesin e shpejtë Ardit Hoxhaj.
Lexo gjithashtu
