Tashmë Shqipëria do të përfaqësohet në sportin e tenisit nga tre lojtarë në "Davis Cup" që do të organizohet në Plovdiv të Bullgarisë.
Lajmin e ka bërë të ditur Federata Shqiptare e Tenisit, e cili përmes një njoftimi në kanalin zyrtar tregon edhe detajet e pjesëmarrjes në këtë kompeticion. Ekipi shqiptar përfaqësohet nga Genajd Shypheja, Elbi Mjeshtri dhe Arbër Sulstarova.
Ja njoftimi i plotë i FEDERATËS SHQIPTARE të TENISITL:
Janë përcaktuar lojtarët të cilët do të përfaqësojnë Shqipërinë në eventin më të madh ekipor të tenisit. Davis Cup për grupin në cilin është renditur ekipi ynë do i zhvillojë ndeshjet në Plovdiv të Bullgarisë në datat 02 - 07 Prill 2018. Në këtë grup ekipi ynë do të garojë me përfaqësueset e Andorës, Bullgarisë, Qipros, Islandës, Monakos, Maqedonisë dhe San Marinos ku ekipet do të ndahen në dy vazo për tu ndeshur me njëri tjetrin në dy ndeshje teke dhe një në dopjo. Fitues do të shpallet ekipi që fiton dy ndeshje në përballjen direkte. Pas ndeshjeve direkte të ekipeve të dale nga secila vazo, ekipet fituese do të ndeshen me njëri tjetrin sipas të njëjtit format për të përcaktuar ekipin që do të kualifikohet në një kategori më lart.
Ekipi ynë përfaqësues do të përbëhet nga të njëjtët lojtarë që përfaqësuan edhe vitin e kaluar dhe do të kryhesohet nga Genajd Shypheja i cili si lojtari më me përvojë do të mbajë edhe shiritin e kapitenit, Elbi Mjeshtri falë lojës së të cilit në përfaqësimin e fundit arritëm një fitore ndaj San Marinos një vit më pare.
Për të përzgjedhur lojtarët që do të na përfaqësojnë në këtë event, në bazë të vendimit të kryesisë së Federatës Shqiptare të Tenist kandidatët u grumbulluan në National Sport Park dhe së bashku me fazën parapërgaditore, zhvilluan edhe ndeshje direkte me njëri-tjetrin për të ndihmuar Trajnerin e Ekipit Kombëtar, dhe Presidentin në përzgjedhjen më të mire.
[gallery columns="1" size="full" ids="220755"]
Lexo gjithashtu
